Rez-de-chaussée
Accueil
Gläich beim eran kommen befënnt sech ee gemittleche Sëtzeck, dee speziell fir d’Elteren ageriicht gouf – eng Zort „Wunnzëmmereck“, wou perséinlech Gespréicher oder Berodungsgespréicher an enger roueger Atmosphär kënne stattfannen.
Lies- a Roueck:
E Canapé a faarweg Këssen lueden zesumme mat engem klenge Bicherregal dozou an, fir sech ze setzen an ze verweilen. D’Bicher si no Alter sortéiert, a bequem Fauteuillen bidden de Kanner d’Méiglechkeet, sech zeréckzezéien an a Rou ze liesen.
Kreativberäich:
Un engem groussen Dësch mat kannerfrëndleche Still fanne Kanner alles, wat si fir kreativt bastele brauchen: Bläistëftsfaarwen, Filzstëfter an nach villes méi.
Baueck:
Dësen Eck ass fir Konstruktionsspiller wéi LEGO, Holzwürfel a Steckspiller geduecht. Duerch iwwersiichtlech Opbewahrungsboxe fanne Kanner d’Bausteng séier fanne a kënnen hirer Fantasie fräie Laf loossen.
Rollespilleck:
Mat enger klenger Spillkichen an dem passenden Zousazmaterial kënnen d’Kanner an ënnerschiddlech Rollen eraschlüpfen – egal ob als Kach, Kellner oder beim Nospille vu Alldagssituatiounen. D’Spillwelt luedt d’Kanner dozou an, ze entdecken an nozemaachen.
D’Atmosphär am Empfangsberäich ass am Allgemengen häerzlech a wëllkommend – si schaaft en agreabelt, liewegt Ëmfeld, an deem sech Kanner an Elteren gläichermoossen wuel fillen.
Stäresall
De grousse psychomotoresche Raum gouf Stäreraum benannt an ass geduecht fir Beweegung. D’Maison Relais huet sech an der Hisiicht op kleng Motrizitéitsspiller gëeenegt.
Léierkichen
D’Léierkichen ass ee Sall, deen dofir entwéckelt gouf fir Kachen a Baken ze leveren, an dobäi Fäegkeeten am Beräich Iessen, Ernährung, Selbststännegkeet oder och Teamaarbecht z’entwéckelen.
Eischte Stack
Précoce – Zykel 1
D’Säll vum Précoce a vum Zykel 1 befanne sech um éischte Stack. Hei sinn d’Säll all ob de Kanner hir Gréisst ageriicht. Um éischte Stack sinn déi verschidde Klassesäll vun der Schoul,
Multifunktiounsraim déi vum Léierpersonal wéi vum édukative Personal benotzt ginn, an zousätzlech nach Funktiounsraim, déi sech an der Mëtt befannen.
Gesellschaftsspiller-Raum: An dësem Sall kennen d’Kanner Puzzle, Gesellschaftsspiller oder Memory Spiller nogoen, entweeder am Grupp oder och aleng. Dës Aktivitéite stäerken
d’Gruppenkohesioun mat anere Kanner, fërderen d’Gestioun vun hire Gefiller, droen zur Sozialisatioun bäi, a fërdert hir Entwécklung vum logeschen Denken.
Rollespill-Raum : Dëse Sall encouragéiert Kanner zum Fräispill, mee och zum Nospillen vun verschiddenen Alldagssituatiounen. Wärend dem Rollespill kënnen d’Kanner hir eege Reegelen erfannen. Wärend dem Rollespill léiere si, een deen
aneren ze respektéieren, Reegelen fir e gutt Zesummeliewen an et verstäerkt d’géigesäitegt Vertrauen tëscht de Kanner.
Theaterraum: Hei kënnen d’Kanner sech kleng Theaterszenen ausdenken oder och Sketcher, wat zur Fërderung vun hirer Kreativitéit bäidréit. Sie kënnen a verschidde Rollen schlüpfen, an och
kuerz Dréibicher schreiwen. Uschléissend kënne si anere Kanner hir Stécker virdroe.
Bau- a Konstruktiounsraum : Dëse Sall soll Kanner dozou encouragéieren, fir hirer Kreativitéit fräie Laf ze loossen a mat verschiddene Materialien experimentéieren ze kënnen, wéi z.b. Holz,
Kappla, Würfelen, Becheren, Kartrong, Matrazen, an anert Material.
Psychomotorik-Sall : Wéi de Sall et scho seet, fannen hei Beweegungsaktivitéiten statt, dëst stäerkt d’Gruppekohesiounsgefill, d’Entwécklung vun der Motricitéit a vum Equiliber. D’Kanner
léieren esou hire Kierper an seng Grenze besser kennen.
Rouraum : An dësem Raum kënnen d’Kanner sech zréck zéien, fir ze raschten oder ze schlofen. D’Kanner ginn awer och motivéiert fir hei ënnerschiddlech roueg Aktivitéiten ze maachen,
wéi Meditatiounen, Yoga, Bicher virgelies kréien oder Phantasiereesen.
Brico-Säll
Wann een an ee Brico-Sall erakënnt, fällt direkt d’grousszÜgeg Uerdnung vun den Holzdëscher op, déi zentral am Raum placéiert sinn. Steckdosen, déi kënne genotzt ging, fir elektresch Bastelmaterial oder Maschinen sécher unzeschléissen, sinn iwwer den Escher installéiert.
An de ville Schief am Sall ginn et verschidde Bastelmaterialien: Acryl- a Waasserfaarwen, verschidde Gréisste vu Pinselen, Textilfaarwen, Schläifpabeier a verschidden Zorte vu Pesch. Dës Materialie bidden de Kanner eng grouss Auswiel fir kreativ ze schaffen an ënnerstëtzen hir kënstleresch Entwécklung. De Bastelraum bitt de Kanner vill Méiglechkeeten zur Entwicklung, anders e kreativt a séchert Schaffe statt fënnt.
2te Stack
Den zweete Stack ass fir d’Kanner aus den Zyklen 2, 3 a 4 geduecht.
Molsall: De Molsall ass e grause Raum, dee sou ageriicht ass, fir d’Kreativitéit vun de Kanner ze ferieren an ze stimuléieren. De Sall ass op eng oppen a funktionel Aart organiséiert an a verschilden thematesch Beräicher ënnerdeelt, wéi zum Beispiel een Eck fir virus allem mat de Pinselen ze molen, hei stinn de Kanner Leinwänn, Gouache a Waasserfaarwen zur Verfügung. Weiterhi gëtt et och ee grousse Bastelberäich, dee fir all Zort vu Bastelaktivitéit ageriicht gouf mat Bläistëftsfaarwen, Tuschbicer, Schéieren, Pesch, faarwege Pabeier, Sticker, …) Eng ganz Rëtsch aner Materialie stinn de Kanner och nach zur Verfügung. D’Mauere si gréisstendeels mat Konschtwierker vun de Kanner dekoréiert, fir hir Kreatiounen an hir Matwierkung an de Mëttelpunkt ze stellen.
Rouraum: Hei am Sall sollen d’Kanner d’Méiglechkeet hu, fir ze raschten oder ze schlofen. Ausserdeem gëtt et hei d’Méiglechkeet, fir méi roueg Aktivitéiten, wéi Meditatiounen,
Yoga, Lies- a Virliesaktivitéiten, oder Phantasiereesen duerchzeféieren.
Jugendzëmmer: D’Jugendzëmmer ass e flexibel gestaltete Raum. Et ass eng Platz fir sech zréck ze zéien, fir kreativ ze sinn an aktiv matzemaachen. Am Mittelpunkt steht d’Fräizäitgestaltung: E Kicker invitéiert zu spannende Spiller a klingen Tournoien an, an de Vakanze steet de Kanner ee Fernsehen mat enger Wii-Konsol fir „Just dance“ zur Verfügung. Dës Elementer förderen net nëmmen de Spans an d’Entspanung, mä och dat sozialt Matenee an d’Teamfäegkeet vun de Kanner. E besonnesche Schwerpunkt lädt op der Partizipation vun de Kanner. De Sall gëtt reegelméisseg vum Kannercomité vun eiser Struktur genutzt. Hei kommen d’Kanner zesummen, fir Virschléi ze diskutéieren, Entscheedungen ze treffen an aktiv un der Gestaltung vum Alltag an der Maison Relais matzewierken. Sou erliefe si wierklech Matbestëmmung a ginn an hirer Selbstwierksamkeet gestäerkt. Ausserdeem ass d’Jugendzimmer och e kreative Schaffberäich, wou eng grouss Auswahl u Büro-Material wéi Stifter, Pabeier, Schieren, Tacker, Locher an esouguer eng Plastifizéiermaschinn dem Kannercomité zur Verfügung stinn. Hei können hir Iddeeën entwickelt, Projete geplant oder einfach kreativ gebastelt a geschriwwe ginn. D’Kannerrechter si sichtbar am Raum dergestalt. Si erënneren drun, dass all Kand e Recht op Mitbestimmung, Schutz a Fërderung huet. Dës Präsenz ënnersträicht de partizipative Charakter vum Sall a regt d’Kanner dozou un, sech mat hiren eegene Rechter auserneenzesetzen. Insgesamt ass d’Jugendzimmer e liewege Sall, deen d’Fräizäit, d’Kreativitéit an d’Partizipation an de Mittelpunkt stellt – e Raum, an deem d’Kanner eescht geholl ginn an hir Stemmen zielt.
Musik- an Danzsall: Dëse Sall ass virun allem geduecht fir Kanner, déi gäre Choreographie léieren oder och mol experimentéiere wëlle mat neie
Musikrichtungen, oder fir aner Kulturen am musikalesche Sënn kennenzeléieren. Workshops mat externe Professionellen sinn och méiglech.
Am rietse Fligel fënnt een:
Spaasssall: Wann een an de Sall erakënnt, gesäit een direkt, dass et e Raum ass fir ze entdecken, ze bauen a sech ze amuséieren. Hanne lénks ass e klengen, e bësse verstoppten Eck mat zweou Stallagen. Hannert deene Miwwele si Stoffbléck mat Magnéiten dran. D’Kanner kënnen domat all méiglech Saache bauen – wéi e Bett, en Auto oder en Haus. An de Regaler stinn och Gesellschaftsspiller, déi si benotze kënnen.
Riets, méi an der Mëtt, ass eng speziell Mauer fir mat Legoen ze bauen. D’Kanner kënnen hei Formen a Gebaier gestalten, déi aus der Mauer erauskommen.
An der Mëtt vum Sall steet en XXL „Vier Gewinnt“-Spill, perfekt fir zesummen ze spillen.Et gëtt och en ale Kicker, deen an en Legobaudesch transforméiert gouf. D’Kanner kënnen hei eng kleng Lego-Stad opbauen.
Riets läit en Teppech mat engem Ikea-Dësch, dee vun de Kanner selwer fir d’Spill „Mensch ärger dich nicht“ gemaach gouf – fir zesummen ze spillen. An engem Eck um Teppech stinn zwou grouss
Këschten mat Kapla-Holzplacken, déi d’Kanner kënnen benotze fir all méiglech Zorte vu Konstruktiounen ze maachen. Et ass eng Plaz, déi d’Kreativitéit, fräi Spill an Zesummenaarbecht tëscht de Kanner fördert.
Rolleraum:
An dësem Sall kënnen d’Kanner an d’Rollespill- a Fantasiewelt andauchen. Riets am Sall stedet eng grouss Bün, déi d’Kanner invitéiert Theater ze spillen, eng Modenschau ze organiséieren oder hir eege Spektakel ze erfannen. Am Mëttelpunkt vum Sall steet ee gemittleche Canapé, wou d’Kanner sech kënne setzen, fir d’Virféierungen ze kucken, zesummen ze schwätzen oder einfach ze entspannen. Laanscht déi ganz links Seit vum Sall ass eng lang Kleederstang mat enger Grosser Auswiel u Verkleidungen – sou kann all Kand sech sentem Wonsch no verkleeden. Direkt niewendru steht eng Kommoud mat Spigelen, wou d’Kanner alles fanne fir sech d’Hoer ze matchen, Spéngelen, Lastiker, Biischten a sou weider. An nach e bessen Magie: am rietsen Eck vum Sall steet eng Umkleidekabinn, wou d’Kanner sech ausser Siicht kënne verkleiden – fir den Iwwerraschungseffekt op der Bün.
Bausall: An eisem Bausall kënnen d’Kanner vill ofwiesslungsräich Spillsaache fannen, wéi zum Beispill Lego, Bauklötzer, eng Jickebunn asw. Beim Spill kënne si och an aner Rollen eraschlüpfen – dobäi hëllefen hinnen d’Verkleedungen, déi si am Bausall fannen. Dat fërdert d’Fantasie an d’Kreativitéit vun de Kanner. De Bausall ass esou agedeelt, datt d’Kanner an all Eck eppes aneres entdecke kënnen. D’Mëtt vum Sall ass fräi gelooss, fir de Beweegungsdrang vun de Kanner z’ënnerstëtzen an hinne gläichzäiteg Plaz fir fräit Spill ze ginn.
An der Ludothéik fannen d’Kanner eng Rei Gesellschaftsspiller, déi hirem Alter entspriechen. Gläichzäiteg hu si hei d’Méiglechkeet fir Recherchen ze maachen, dëst kënne
si ënner anerem mat Hëllef vu Sachbicher, wat hinne bei hiren Hausaufgaben oder bei individuellen Interessen hëllefe kann.
„Salle défouloire“: Virun allem a Momenter mat héijem Stress, deen d’Kanner net méi eleng geréiert kréien, bitt dëse Sall de Kanner ee Raum, wou si hiren Emotioune fräie Laf kënne loossen.
Fuerschersall: De Fuerschersall ass leider de Moment zou, well de Professor Knappifax von Helperstein mat sengem Fuerscher-Team (Luna Leuchtstern, Nico Neutron, Mira Moleküle an Tariq Tektonik) amgaang ass, de Sall bei ëmzegestalten.
Geplangt sinn de Sonnensystem fir d’Astronomie vorzustellen, genauso wäerten de Kanner verschidde Mikroskoper zur Verfügung sti fir d’Physik an d’Biologie méi ze erfuerschen. Genausou wäert et och een Technik-Schaf an een Natur-Schaf an een Natur-Schaf wou d’Kanner verschidden Experimenter kënnen duerchféieren an och selber einfach mol Entdecker kënne sinn.