Elterevertrieder
D’Elteren vun de Kanner vum Campus Helperknapp gi vertrueden duerch gewielten Elterevertrieder. Hei hiere Message:
Léif Elteren,
Mir sinn d’Elterevertrieder, déi am Oktober 2022 fir e Mandat vun 3 Joer gewielt gi sinn.
Eis Ziler a Missioune sinn:
– Austausch an Zesummenaarbecht mam Schoulcomité a Schoulkommissioun
– Verdeedegung vun den Interesse vun der Elteregemeinschaft vis-à-vis vun de Schoulautoritéiten
– Hëllef fir fir e gënschtegt Schoulklima ze suergen
– Ënnerstëtzung fir Schoulaktivitéiten (Coupe Scolaire, Schoulfest, asw.)
– Virschléi maache fir d’Organisatioun vun der Schoul
– eng Meenung iwwer d’Schoulorganisatioun an de PDS bilden
– mindestens 3 Versammlungen am Joer mam Schoulcomité (wei virgesinn am Extrait aus dem Gesetz vum 06.02.2009, Art.49)
Weider Informatioune fannt Dir op der offizieller Säit vun den Elterevertrieder op www.elteren.lu oder Dir kennt eis schreiwen iwwer elterevertrieder@helperknapp.lu
Claude Mousel-Elsen, Sandra Göhlhausen-Wampach, Stéphanie Kemp, Manuela De Rocco a Nadine Frising.
Elteren hunn ausserdeem d’Méiglechkeet, sech an der Elterevereenegung Helperknapp (asbl) ze engagéieren. Weider Informatiounen iwwert d’Aktivitéiten vun der asbl fannt dir op hierem Internetsite an heirënner:
D’Elterevereenegung Helperknapp Asbl.
D’Elterevereenegung Helperknapp ass eng «association sans but lucratif» an zielt aktuell 16 Memberen. Wärend dem ganze Schouljoer organiséieren an ënnerstëtze mir convivial Momenter ronderëm d’Schoul. Soumat hale mir net nëmmen Traditioune lieweg, mee huelen eng wichteg Roll am (Schoul)Alldag vum Kand an.
Wosst Dir datt…
- d’Elterevereenegung 2024 méi wéi 10 Evenementer geplangt oder ënnerstëtzt huet?
- mir eis reegelméisseg mam Schoulpersonal a Campuspersonal (Maison relais) austauschen?
- mir d’Bicherdeeg, d‘Coupe scolaire oder aner Elterenowender organiséieren?
- mir bei Manifestatiounen an der Schoul eng Hand mat upaken?
- mir ons all benevole engagéiere fir eis Kanner a fir een aktiivt Schoulliewen?
Wat mir wëllen:
- D’Interesse vun de Schüler vertrieden an eis fir d’Wuelbefanne vun eise Kanner an der Schoul asetzen.
- Thematesch Owender fir d’Elteren an d’Erzéiungsberechtegter organiséiere fir si iwwert aktuell Themen z’informéieren, fir dass si sech austausche kënnen a fir soumat eis Kanner besser am Opwuessen z’ënnerstëtzen.
- D‘Léier- a Campuspersonal bei Evenementer ënnerstëtzen.
- D’Veräinsliewen an der Gemeng ënnerstëtzen a soumat ee wichtege Relais tëschent Schoul a Liewen ausserhalb vun der Schoul sinn.
Wee ka Member ginn?
All d’Eltere vun de Schüler aus der Schoul „Campus Helperknapp“ si wëllkomm sech am Comité z’engagéieren. Wann dir Loscht hutt am Interêt vun de Schoulkanner eng Hand mat unzepaken, mellt Iech bei engem vun de Comitésmembere virun eiser nächster Generalversammlung.
Kontakt
Email: elterevereenegung@helperknapp.lu
Facebook: facebook.com/EVHelperknapp
Instagram : @evhelperknapp