Offer
Vum 29. September 2025 un bitt d’Lasep um Campus Helperknapp ausserhalb vun de Schoulvakanzen all Woch Sportscoursen no der Philosophie „Multisports“ un. D’Kanner léieren also dat ganzt Joer iwwer verschidde Sportaarte kennen. Déi Kanner, déi an der Maison relais ageschriwwe sinn, gi vun engem Responsabele vun der Maison relais oder vun der LASEP bis an d’LASEP bruecht. D’Kanner aus der LASEP Helperknapp kënnen am Laf vum Joer och u Manifestatioune vun der nationaler LASEP deelhuelen.
Am Schouljoer 2025/2026 bitt d’LASEP Helperknapp folgend Coursen un:
| Zyklus | Dag | Auerzäit | Responsabel | |||
| Précoce | Dënschdeg | 14.45 – 15.45 Auer Start vum Précoce-Cours réischt no der Allerhelljevakanz | Anne-Sophie Schaus, anne-sophie.schaus Sébastien Kontz,mre@campus-helperknapp.lu Chris Scharry (accompagnateur) | |||
| 1 | Dënschdeg | 13.45 – 14.45 Auer | Anne-Sophie Schaus, anne-sophie.schaus@education.lu, Sébastien Kontz, mre@campus-helperknapp.lu Monia Schmit Chris Scharry (accompagnateur) | |||
| 2 | Méindeg | 12.55 – 13.55 Auer | Mike Kraus, mike.kraus@education.lu | |||
| 4 | Mëttwoch | 12.55 – 13.55 Auer | Mersad Licina, mre@campus-helperknapp.lu | |||
| 3 | Freideg | 12.55 – 13.55 Auer | Luana Englaro, luana.englaro@education.lu | |||
| Schwammen (Miersch) | Donneschdeg | Départ vum Bus um Campus Helperknapp um 13.30 Auer Retour vum Bus um Campus Helperknapp um 15.30 Auer Horaire vum Cours sur Place zu Miersch: 13.50 – 15.10 Auer | Gaby Thielen, thielengaby@gmail.com Myriam Troes (Accompagnatrice) |
Aschreiwung
D’Aschreiwungen an d’Coursë vun der Lasep si vum 1. September un dat ganzt Joer méiglech. An all eise Coursë sinn d’Plaze limitéiert a ginn nom Prinzip „first come, first served“ verginn.
Respektéiert wgl. folgend Etappe fir Äert Kand anzeschreiwen:
- D’Aschreiwungsdokument eroflueden
- All d’Säiten ausfëllen (wa méiglech digital fir Pabeier ze spueren)
- Déi 3 vollstänneg ausgefëllte Fichen via Mail un d’Sekretärin Christina Grohs schécken an op eng schrëftlech Confirmatioun waarden. Wann Dir no 3 Deeg (nom 1. September 2025) nach keng Äntwert kritt hutt, da mellt Iech wgl. nach eemol per Mail beim Sekretär, well Äre Message da villäicht am Spamuerdner gelant ass.
- All d’Kanner, déi un eise Coursen interesséiert sinn, mussen dem System „chèque service“ bäitrieden. D’LASEP-Stonn gëtt zwar an der Maison Relais comptabiliséiert, awer net facturéiert (gratis). Wann Äert Kand nach net an deem System ass, da musst Dir um Populatiounsbüro vun der Gemeng passéieren.
Néidegen Equipement
Fir all Seance brauchen d’Kanner Sportskleeder a Sportsschung, sou ewéi och ee Bidon voll mat Waasser.
D’Kanner aus dem Cycle 1 ginn och op den Airtramp a brauchen dowéinst och Antirutschstrëmp, eng laang Sportsbox an ee laange Shirt. Déi betraffe Famille kréie weider Informatiounen zum Airtramp, sou wéi ee Planning zougeschéckt.
Ofmeldung
Wann Äert Kand net komme kann, dann informéiert wgl. schrëftlech dee responsabelen Dirigeant / déi responsabel Dirigeanten doriwwer (cf. Tabell uewen).
Weider Froen?
Fir weider Informatiounen, kontaktéiert wgl. d’Sekretärin vun der LASEP Helperknapp.
| Christina Grohs | Mail: christina.grohs@helperknapp.lu Tel: 28 80 40 701 |