D’FIRST LEGO League ass ee weltwäite Bildungsprogramm, dee vun der amerikanescher Stëftung FIRST, LEGO an anere Sponsoren an d’Liewe geruff ginn ass. De Programm erméiglecht Schülerlnnen een altersgerechten a kreativen Astig an d’Beräicher Fuerschung, Konstruktioun a Programméierung. Esou kënne si scho fréi hiren Interessi un de MINT-Fächer (Mathematik, Informatik, Naturwëssenschaft an Technik) entdecken an hir Kommunikatiounsfäegkeet, sou wéi hiren Teamwork stäerken. All Joer steet weltwäit een anert Thema am Mëttelpunkt.